Parole e musica di Bepi de Marzi
La contrà de l’Acqua ciara no zè più de l’alegria,
quasi tuti zè ‘ndà via solo i veci zè restà.
Le finestre senza fiori, poco fumo dai camini,
senza zughi de bambini la montagna zè malà.
Su in contrà de l’Acqua ciara solo i veci zè restà.
Torno torno la fontana dove i sassi sa le storie,
se gà perso le memorie che racconta la contrà.
No’ se ride, no’ se canta, no’ se fa filò la sera,
no’ vien più la primavera, la se gà desmentegà.
Su in contrà de l’Acqua ciara solo i veci zè restà.
Su in contrà de l’Acqua ciara.
Commenti recenti